ყველის შესანახი/სამაცივრე
სივრცე

ყველის სწორად შენახვა სურსათის უვნებლობის ერთ-ერთ უმნიშვნელოვანეს ასპექტად მიიჩნევა. აუცილებელია დამწიფებული პროდუქტი რეალიზაციამდე სამაცივრე დანდგარებში ინახებოდეს, რაც ხელს უწობს პროდუქტის უვნებლობას, მისი ხარისხობრივი და გემოვნური თვისბების მაქსიმალურ შენარჩუნებას. ამ მიზნით ლურჯი ალავერდის ტერიტორიაზე ჩამოვაყალიბეთ ყველის ახალტექნოლოგიური ინფრასტრუქტურა, სადაც მოწყობილია თუშური და ადგილობრივი ყველის საუკეთესო შესანახი მაცივარი. შენობა ნაგებობა სამი ოთახისგან შედგება, აქედან ორი გახლავთ სამაცივრე ოთახი, დიდი და პატარა, სულ მცირე 10 ტონა ყველის შენახვის შესაძლებლობით. ასევე გვაქვს სადემონსტრაციო ოთახი. საწარმოში მოსულ ტურისტებს ვთავაზობთ ყველის მასტერკლასს, სურვილის შემთხვევაში მათ თავად შეუძლიათ ყველის წარმოების პროცესში მიიღონ მონაწილეობა.